Մարդիկ Հին Եգիպտոսում այն օգտագործել են մրսածության, վարակների, գլխացավի և ատամի ցավի բուժման, նաև մարսողությունը լավացնելու համար:

Ըստ մահմեդականների սուրբ գրքի` Մուհամեդ մարգարեն այն անվանել է «բուժամիջոց բոլոր հիվանդությունների համար՝ բացի մահից»:

Ժամանակակից կենսաբժշկական գրականության մեջ լիարժեքորեն հաստատվել են սեւ քիմիոնի (չամանի) բազմաթիվ օգտակար հատկություններ:
Սև չամանի յուղի օգտակարությունը պայմանավորված է դրա բաղադրիչներով` ֆոլինաթթու, B1, B2, B3 վիտամիններ, օմեգա-3 և օմեգա-6 ճարպաթթուներ, սպիտակուցներ, կալցիում, երկաթ, ցինկ, ֆոսֆոր, պղինձ:

Առողջարար հատկությունները Պաշտպանում է քաղցկեղից: Այն հակաքաղցկեղային հատկություններ ունի. կանխում է ցանկացած տեսակի քաղցկեղի առաջացումն իր հիմնական բաղադրիչներից մեկի` ստերոլի շնորհիվ:
Նվազեցնում է խոլեսթերինի և գլյուկոզայի մակարդակը:

Հետազոտությունները ցույց են տվել, որ սև չամանը կարող է նվազեցնել ինչպես խոլեսթերինի, այնպես էլ գլյուկոզայի մակարդակն արյան մեջ, որի համար անհրաժեշտ է օրական ընդունել կես թեյի գդալ, մոտավորապես 5 ամիս տևողությամբ:
Սնուցում է մաշկը, մազերը, եղունգները: Այս յուղը շատ է օգտագործվում մաշկի, մազերի և եղունգների խնամքի համար: Կանոնավոր կիրառումն օգնում է նվազեցնել դեմքի կնճիռները, մաշկն ավելի մաքուր է դարձնում: Իսկ արտաքին օգտագործման պարագայում կիրառվում է մազաթափության, բշտիկների, փսորիազի, եղունգների սնկի դեմ պայքարում:
Կարգավորում է մարսողությունը:

Սև չամանի յուղը մաքրում է մարսողական համակարգը և աղիները թունավոր նյութերից:

Այն պահպանում է նաև ստամոքսի միկրոֆլորայի առողջությունն ու կարգավորում լյարդի ու երիկամների աշխատանքը:

The post Սև ՉԱՄԱՆԻ ՅՈՒՂ appeared first on Adèle Handmade Soap.